Nr. 99 Abt Martin [Kuhn] des Zisterzienserklosters Zella an Kf. Friedrich

[1] Abt Martin des Zisterzienserklosters Zella beteuert, dass er Kf. Friedrich gern in die Bruderschaft seines Ordens aufgenommen hätte, als der Kf. vor kurzem bei ihm war. Die dazu nötige Erlaubnis hat der Abt inzwischen erlangt. [2] Deshalb fragt er an, ob der Kf. die Aufnahme erlangen möchte und wie er die Bestätigung übermitteln kann.

[1] Durchlauchtiger, hochgebornner fürste, gnedigster lieber herre, meyne andacht sampt gantz williger beheiglickeytt euern churfürstlichen gnaden alltzeytt zcuvor. Gnedigster herr, als euer churfurstliche gnaden jungst bey mir im closter waren, hette ich e. churf. gnaden gerne mit einer geistlichen gaben vorehrett, sunderlich mit der bruderschafft unsers gantzen heyligen ordens, szo das e. churf. gnaden theilhafftig mochten werden aller guter werck am leben und am tode, die in dene gantzen orden von geistlichen personen beyderley geschlechts allenthalben gescheen, szo hette ich zcur selbigen zceytt solliche gewaldt bey mir nicht, aber syntmales habe ich dy selbige bey unßers ordens gemeinem capitell und bey meinem obersten vor euer churfurstlich gnaden und szunsten etzliche personen erworben und bey mich bracht. [2] Szo es e. churf. gnaden gefellig und des selbige begert, woldt ich solche bruderschafft denselbigen e. churf. g. schrifftlichen zcuschicken ader personlich mit gewonlicher solempnitet geben und mittetheilen, wie es euern churfurstlichen gnaden am gefelligsten geliebett. Solchs e. churf. g. im allerbesten nicht habe wolten vorhalden. Denn euern churfurstlichen gnaden allis guts neben gantzwilliger dinstbarkeitt zcupflegen, byn ich alletzeytt williger denn willigk zuthuen geflyssen.

Creative Commons, Namensnennung - Nicht-kommerziell - Weitergabe unter gleichen Bedingungen 4.0 International (CC BY-NC-SA 4.0)